【孖T】電氣騎士搶前走

第4口孖T首關「電氣騎士」上季主攻谷草取得4捷，但今季4戰無功，評分又回落至二班水平，季內曾試泥閘試得好，換見習生黃寶妮配125磅大大提升競爭力，排1檔有利搶前，今季小妹泥地贏過2W，只要她能充分發揮輕磅優勢，對手未必可輕易追到。尾關重心吼實「精彩動力」，過往跑泥地一哩屢次姍姍來遲，上仗配黃智弘居然可放到最後200米才被趕過，跑法上更加靈活，易配麥道朗一心強攻，坐位望贏可做到。