【三寶】澳華威威有得追

今期第1口三寶，頭關「快馬加鞭」上季尾在泥地短途試出彩虹，今季返回四班繼續主攻勝途，3戰累積1季1殿，實力亦不落下風，今仗卻可降回五班角逐，優勢明顯，埋門再試泥閘加強準備，誠意十足。次關「澳華威威」上場初扳一哩輸晒經驗，但追上來一段係威係勢，確認勇態已備，重返短途當然有把握，結合上季同期泥戰有得追，排外檔未必吃虧。尾關「星際快車」大前仗田草1000米配艾道拿高速入Q，之後兩度易配均走樣，敗得不似真，今仗加眼罩兼重配艾道拿，可回復真身。