【大跑道】獵寶勤改掉壞習慣

周六朝有「嘉應勇士」到大圈出試，由副練踱步一圈，神態好平淡，馬身更有少少瘦。以下是心水推介：

第2場「膨才」試4課閘全配何澤堯，第1課試谷閘窄位穿上表現不俗，最近兩課試1200米泥閘，10月29日一課冇轉腳但騎落肯追，到11月19日追勢好且識轉腳。次次出閘唔快，跑法後上排外檔冇影響，對手似是而非，博得過。

第4場「獵寶勤」泥地跑過一次，當時仲未夠熟，側住頭走落敗未可作準，睇番季內試過兩課泥閘獲1冠1季，照計泥地應該會合適。最重要係過往跑姿極差，側頭急口亂咁用力，剛周四同「大利好運」拍跳再冇以上壞習慣，前所未見咁吸引！

第7場「昇瀧駒」泥地1200米最強，4戰3勝，今季未有賽程，惟有出戰草地，依然4戰全近，更難得係仍獲減分，今次孭115磅跑首本戲着數。今次相隔11日上陣，賽前仍有1課快跳，積極到痹，而該課跳來渾身是勁，表現非常出色。