【戰況R1】潘頓以為可贏4馬位　點知貝知仁咁硬淨！

法國超新星貝知仁今日初次喺沙田馬場登場，首匹坐騎「精明選擇」起步即快放，滿以為放到之際，最後一步被潘頓大熱門「天時明駒」所擒，串成12倍連贏，貝知仁雖然輸最後一步，但都畀大家好大驚喜。今場跑第3名為艾兆禮「星雲浩騰」，潘明輝「喜悅一生」跑第4。

賽後，練馬師希斯話「天時明駒」近況穩定，最近喺泥地都跑得好，今場潘頓發揮好出色，同埋佢覺得隻馬可以升返上四班，只係贏完呢場都仲喺五班，下次會繼續跑泥地一哩。希斯話潘頓匯報，以為「天時明駒」去到400米時可以贏4個馬位，點知去到200米先發覺唔對路，仲以為要輸個頭，好彩最後以馬頭位險勝。

第1場賽果：5-1-7-9

二重彩賽果：5-1(最後賠率23)