聽晚尾場無得跳探戈　黃腳鱲後備補上

聽晚沙田全泥夜宴再有馬退出，第8場1號，告東尼訓練嘅「柏林探戈」因左前腿肌腱腫脹退出競賽，並由後備「黃腳鱲」補上，此駒由周俊樂策騎。

「黃腳鱲」上季取得3W，係呂健威成為冠軍練馬師嘅功臣之一，此駒過去6次出戰泥地1650米取得1冠1亞2季，今次跑凸分賽三班，絕對唔可以睇小。