【晨課起筷馬】實戰、試閘走勢都吸晴

第9場三班1400米，賀廐「肯佩斯」上季到港嘅阿根廷自購馬，預期都要啲時間等成長，因此上季兩戰全敗意料之內。今季復出跑同程，臨場成66倍大冷門，不過「肯佩斯」半條直路未能望空之下，以第6名過終點，嗰場頭馬「川河帥駒」再出上名、殿軍「米奇」再出補中、第7、8名「星運少爵」及「美麗邂逅」接戰俱前列而回，隨時係高水準賽事。「肯佩斯」月中試咗課田泥1200米閘，喺布文胯下沿途走四疊蝕盡腳程，直路仍愈追愈近，演出極之神勇，進步已超預期。

■陳志懷