【戰況R8】5W！潘頓8檔馬攝內欄　點跑都贏！

潘頓5W、勢如破竹！之前已執4場嘅潘一哥，第8場四班谷1650米騎住羅廐8檔馬「追風」，直路攝入內欄捐，終點前反壓亞軍「智勇名駒」及季軍大外欄包尾殺上的「香港神駒」，成功幫坐騎連捷，更為自己贏到5場，頭馬升到56場。

賽後羅富全表示「追風」一出閘被其他馬夾咗去後面，好彩拎到欄，沿途都叫跟得順，留埋衝一段，展現到較強嘅後勁，而此駒依家都係4歲，加上係中距離馬，所以都比較遲熟，今場贏得唔遠，應該都係加5至6分，留喺四班相信會有作為。

第8場賽果：8-4-1-2

二重彩賽果：8-4(最後賠率27)