急流勇退　寶遜無預警今日宣布掛靴

前新西蘭一哥寶遜，今日透過社交平台宣布即時掛靴，結束長達30年嘅策騎生涯。

寶遜公布消息之後，未幾一直合作緊密嘅Te Akau賽馬集團，亦於官網發表聲明，表揚寶遜於新西蘭賽馬所作出之貢獻，並期望寶遜掛靴後，在展開人生新的一頁，會有更佳發展。

現年44歲嘅寶遜，今日公布結束騎師生涯，可以講係無預警下發生，事關本周末於雅拉華園舉行嘅賽事，排位公布依然榜上有名，不過今日宣布掛靴，坐騎已經紛紛易配。

寶遜昨日於愛莎妮馬場，亦有份於拆禮物日重要賽期，如常上陣，不過未見任何表現。如今宣布掛靴，昨日尾場為Te Akau效力之El Viento，成為佢從騎以來最後一匹坐騎，而寶遜策騎生涯之中，至今累積2146W，當中包括99場G1勝利，而已退役新西蘭馬后「重心城」，今年於澳洲亦為寶遜一再帶來大賽榮耀。