【戰況R3】泥地不敗　知足常樂擬遠征G2高多芬一哩賽

羅富全馬房「知足常樂」，父系為美國三冠馬王「美式法老」，今季初戰泥地即大勝而回，盡顯極為出色嘅泥地性能，之後兩仗跑草地分級賽落敗，今次回師泥地被捧成2倍大熱門，結果喺梁家俊胯下有驚無險再贏一仗泥地。今場跑第2名為艾兆禮「喜至寶」，雖然賽後抗議頭馬資格，但維持原判。湯普新「魅力寶駒」跑第3，第4名為希威森「黃腳鱲」。

賽後，羅富全話今場預計「龍之輝」放頭，亦以為「電訊巴打」會上前，點知頂咗「知足常樂」出去走三疊，而轉彎時「電訊巴打」走上嚟冚住「知足常樂」，當時都幾擔心，因為隻馬要孭135磅，直路初處境不利，慶幸梁家俊直路拎到出嚟，隻馬慢慢追上嚟，表現都好好，依家會考慮畀「知足常樂」遠征杜拜。

第3場賽果：1-3-4-8

二重彩賽果：1-3(最後賠率15)