成績突飛猛進　巫偉傑多謝馬主支持

上季首度在港設廐嘅巫偉傑取得20W，當中有15場嚟自谷草，田草僅得3W。今季踏入從練第2季嘅巫偉傑成績突飛猛進，開季至今未到半季已經取得18場頭馬，當中有13場嚟自田草，當中「魔術控制」喺加盟巫廐後取得兩冠兩亞，評分從77分增至100分，省靚馬房招牌。

巫偉傑表示今季質新馬普遍水準高，好多謝馬主嘅支持：「上季啱啱開倉用咗啲時間適應，而由上季尾開始加盟馬房嘅新馬，都有返咁上下質素，好多謝馬主嘅支持，希望繼續保持落去。」