【分秒在握】捲土重來點止求開心？

今次最矚目的賽事，怕且都係第9場三班1600米草地，只限4歲馬參戰的一哩賽，其實這場三班賽，除了限齡參賽之外，評分區域亦上調了5分，但獎金與一般的三班賽無異，但講到取勝難度，其實相當高，筆者甚至乎覺得，就算將這場的第3、4選，調去尾場跑，亦有極大的爭勝機會。

這場4歲馬經典賽事系列的前哨戰，筆者相當看好重配梁家俊的「但求開心」。此駒今季方出道，一出1400米已展示了非一般的後勁，雖然臨場愈賣愈冷至18倍，但陣上卻交出21秒8的驚人後勁，之後次次追得好，而且更在1400米取得兩捷。上仗梁家俊停賽換上蔡明紹，出閘一般之下，偏偏又遇上慢步速，結果先機盡失之下，居然亦有本事由尾列追回第3只輸馬頭位，若早點發力，頭馬已手到拿來了。

其實「但求開心」初次贏馬，已證明了毋須留得太後依然能夠交出強橫後勁，今次重配最熟馬性的梁家俊，自然有望留放更佳，以此駒驚人後勁，當真無懼任何對手。

■長風