姚本輝用95萬引入蟲草成名細佬！

早前我哋《東網》馬經報道今個禮拜南下澳洲出席黃金海岸神奇百萬週歲馬拍賣會嘅姚本輝，已經率先引入兩匹父線出自「巨富」(Capitalist)嘅週歲馬。不過，今次呢個拍賣會都仲有唔少好嘢，輝哥梗係繼續入貨，尋日佢又引入兩匹新血，當中包括一匹身價28萬澳元(約134萬港元)嘅「情深義重」(All Too Hard)子嗣，另一匹就係「演藝焦點」(Star Turn)子嗣，身價係20萬澳元(約95萬港元)，後駒更係前香港賽駒及曾贏G3嘅「蟲草成名」同父同母細佬，不能忽視。

另外，廖康銘亦有參與黃金海岸神奇百萬週歲馬拍賣會，佢就喺剛周四購入兩匹週歲馬，身價都係17萬澳元(約81萬港元)。