【馬場第一攝】蔡神仙戰馬實力真心係堅

昨晚天文台發出霜凍警告，今朝落到馬場第一件事睇吓條跑道有無結霜，氣溫10度，濕度百份之四十，有微風，結霜條件未能配合，有少少失望，天氣是寒冷的，但相信明日賽果是熾熱的，蔡神仙駐重兵出擊，派7駒上陣有權坐3望4，猶其下半場幾件，第7場「競駿輝煌」，第8場「真心傳奇」及第9場「米奇」，好難唔兼顧一票。

第7場二班1400米「競駿輝煌」由潘頓接捧，攤路必搏無疑，捧埋競駿會盃，直情好似為佢而設，第8場三班1200米「真心傳奇」，剛戰脫胎換骨贏甩對手兩個幾馬位，以上賽贏馬姿態升班無阻力，第9場三班1600米「米奇」話明打吡馬，上鋪全程內側無位未有郁過手，布文再唔打醒十二分精神，隨時帥印不保。

今朝7時45分，上述3駒一lot過亮相往內圈加課，練者亦跟出看台督操，緊張之情見微知著，細少動作卻有大啟示。

早餐料:

第7場:4「競駿輝煌」

第8場:6「真心傳奇」

第9場:1「米奇」

阿藍