【三T】$1,200萬三T選賢能

今次賽事三T多寶$637萬，預計$10一注獨中派彩可達$1,200萬，相當吸引。今次三T最值得倚重的練馬師係蘇偉賢，此君與潘頓合作上名率甚高，季內騎練21次攜手有11次入位，上名率超過五成，作為馬膽適合不過。首關「新力好」上仗重配潘頓，埋門票數急跌成為大熱門，誰不知入直路時受困兼勒避，收慢轉跑線後再追，居然亦殺入亞軍只負半馬位，反映馬匹作戰狀態甚佳，今次人馬第3度合作，且看能否保持全上名的成績了。次關「衝上雲霄」近兩仗於田草1200米全上名，今次增程當然有變數，但上季其實已屢屢跑同程兼近過，相信成功克服機會不低，一於揸膽。