巫顯東都強陣？係咪真㗎

踏入2025年，本地薑巫顯東運勢真係有改善，先憑師傅沈集成嘅「非凡達」開齋，然後上周三又為沈廐嘅「荷花之星」爆出65倍巨冷W，總算打開缺口。到咗今期周三跑馬地賽事，雖然東東再無獲得師傅嘅支持，但依然獲得4匹坐騎，分別係第2場「符號」、第5場「鑽石寶寶」、第6場「好瑪威威」同埋第8場「龍船快」，當中有兩駒屬上仗三甲馬，屬東東嚟講，今次都算強陣啦。

先講吓姚本輝馬房嘅「鑽石寶寶」，雖然今季早期表現平平，但上仗喺四班谷草1200米放頭卻得季軍，走勢有改善，今次姚本輝唔用湯普新改用巫顯東，最近仲畀東東操咗兩課，有啲心思。至於「龍船快」上次喺國際騎師錦標賽強配巴米高跑第2名，今季3戰得1冠1亞，演出依然準繩，今次升上三班跑谷草1650米負輕磅，不能忽視。