包裝二選一 潘頓經典盃揀騎福星

2025年02月04日 11:44
東網電視
更多新聞短片
潘頓會喺四歲系列次關香港經典盃騎「包裝福星」。
潘頓喺四歲系列首關香港經典一哩策騎呂健威馬房嘅「包裝天將」,惟最終不敵「祝願」及「開心寶寶」跑第3,未能如願首度攻下此項大賽,幸好當日喺尾場三班1400米策騎同系同廐「包裝福星」掄元。
「包裝福星」最後亦順利如馬主李文斌願加9分,成功爭取四歲系列次關香港經典盃入場卷,而潘頓今早向《東網》記者落實會喺經典盃「包裝福星」。至於「包裝天將」練者表示要同馬主溝通,未落實用邊個騎師。