時時精準加眼罩後變身　游達榮：預咗

今季首度在港設廐嘅游達榮，踏入季中後成績穩步上揚，近7期賽事取得5場頭馬，當中近3次谷戰都有頭馬交代，而聽晚谷戰游達榮繼續精銳進出，當中「時時精準」上仗初戴眼罩後大變身，爆大冷42倍打開來港後嘅勝利之門。

游達榮表示賽前已經預計到「時時精準」加眼罩後之後會變身：「此駒喺外地戴眼罩時發揮得最好，希望今仗可以維持到，之後會考慮馬匹增程。」

游廐亦積極部署「銀亮奔騰」爭分出戰四歲馬系列賽，因此安排此駒喺嚟緊星期日上陣跑三班1800米，練者說：「『銀亮奔騰』初出贏完之後3仗都抽大外檔，上仗落敗好大程度係因為遇上慢步速，希望嚟緊可以抽返個好檔，有個快啲嘅步速，而增程跑1800米更加適合馬匹腳法。」