【子上談兵】表演嘉賓搵得好　大家都開心

喺啱啱過去大年初三嘅賽日，馬會搵嚟張敬軒出任表演嘉賓，無論公眾席定會員席都坐爆曬，場面非常墟冚。對比返1月中時尚賽馬日搵李幸倪表演時嘅冷清，初三嗰日真係熱鬧好多，就連CEO賽後都話好滿意嗰日嘅入場人數。但係初三原定嘅表演嘉賓並唔係張敬軒，而係一個前「樂壇天后」，不過因為呢位前「樂壇天后」檔期夾唔到，所以最後先換軒公。好彩今次換咗人，如果唔係恐怕場面會無咁熱鬧。

至於聽晚谷戰，「先到先得」今季適應水土後，表現拾級而上，上仗贏馬姿態輕鬆，仲有大把分喺手，贏完兩場仲留喺四班，再出當然不容忽視。至於「太陽勇土」上仗僅以鼻位之差落敗，今次搵到潘頓幫手，相信以補中。

心水推介

第6場（3）先到先得

第8場（4）太陽勇士

獨贏位置過關二串一共4注

■阿子