【露露通】千杯敬典佔先機

2025年02月04日 22:00
東網電視
更多新聞短片
近期梁家俊頻頻被罰停賽兼罰款,損失慘重,筆者見到都覺得肉赤。但睇番網上評論,馬迷反而對佢騎「保羅傳奇」唔放頭嘅怨氣仲大!
嗰場賽事仲慢過五班標準時間,而此駒4場喺四班列陣都係採前領跑法,自然期望佢剛戰採同樣戰術,點知不放而留畀「帥帥友福」慢放得手,小組當然有問跑法,騎者解釋想跟「仁心星」後方搵遮擋,而羅富全亦確認指示。騎者立心跟足策騎指示當然冇問題,但陣上形勢千變萬化,跟足指示去跑惟形勢有異於前仗,最後落敗,相信除馬迷之外,幕後同樣失預算。唔止呢場賽事,最近唔少中距離賽事步速甚為極端,一時超快一時超慢,細心刨完都未必估得中!
第2場「千杯敬典」上仗已力頂到最後只跑第2,今次再戰谷草續有5檔仍可佔主動形勢。