【場地點樣】蛇年首次夜賽跑A欄 掛牌好地

2025年02月05日 11:21
東網電視
更多新聞短片
跑馬地馬場今晚舉行A欄夜賽,場地預測為「好地」。
賀歲日賽完滿結束,接住今晚舉行蛇年首個谷草夜賽,9場草地賽事,回復以全闊A欄進行角逐,頭場開跑時間為晚上6時40分。
今晚賽出馬場面熱鬧,只得一場未見滿額,而天氣狀況理想,雖然多雲,氣溫略為回升,亦沒有早兩般寒冷,就目前場地情況,預測「好地」,度地儀指數為2.71。
雖然今晚於全闊賽道以好地競逐,但以季內非一般A跑道賽事模式,除非賽事有偏步速形勢造就,否則直路沿欄慳位推進方匹,亦不會存在任何優勢,仍以三、四疊或於外疊衝刺馬匹,走勢相對而言更為起勁。
正如上次於1月8日舉行之A欄夜賽,中外疊衝刺贏馬鏡頭極之普遍,當然亦會出現「風起雲湧」能夠把握慢步形勢,採取主動力拚捱到贏馬,但再出表現欠缺形勢下,表現即告走樣,當然步速形勢千變萬化,馬迷亦未必能夠充分掌握得到。
從投注角度,唯有向特擅谷草A欄騎師埋手,潘頓今季成績贏晒,以7W排頭位,布文、何澤堯與潘明輝同得4W,若論值搏程度,今期不妨向兩位華將埋手,會有不俗回報。