樂觀派周末力爭衞冕柯爾錦標

2025年02月05日 14:40
東網電視
更多新聞短片
「樂觀派」本周末復出,力爭衞冕G1柯爾錦標。
雖然世界馬壇都係以3歲馬而設嘅大賽佔絕大多數,不過年長馬嘅成績,一啲都唔會失禮,正如香港馬迷心目中嘅世一「浪漫勇士」,7歲馬所向披靡,而呢個周末於考菲爾德馬場,力爭衞冕1400米G1柯爾錦標嘅「樂觀派」,雖然風頭唔及目前視為澳洲一姐嘅「精緻之道」,咁啱兩匹馬都係處於7歲巔峰之期。
對於「樂觀派」呢匹由希斯三位公子訓練嘅鐵馬,鐵馬本色長期保持作戰水準,剛剛公布咗柯爾錦標排位,9駒參戰,「樂觀派」繼續由老拍檔韋紀力出戰,排響8檔起步,目前已被當地搏彩公司列為大熱門身份。
雖然一再傳出「樂觀派」來港參與國際一級賽盛事,但以利業為大前提,呢匹7歲鐵馬,留番響本土向強項出擊,要掘金留響本土更加實際,而2月份維省一級賽事重新揭開戰幔,大公子比安希斯已透露,「樂觀派」2月復出,將會以衞冕柯爾錦標與未來目標,然後就會第三度出戰全明星一哩賽。
由於去屆被天敵「珍蓮驕驥」擊敗,粉碎「樂觀派」衞冕全明星一哩賽美夢,如今前駒已經退役轉作牝馬,少咗呢匹頭號對手,希斯家族亦好期待今屆賽事來臨。