精英大師2.0？但田泰安可靠嗎？

田泰安今季僅得26場頭馬，失去其3哥位置，最近4期亦無馬贏，對上一次贏馬已經要數到喺上月23號策騎「嘉應高昇」捧走一級賽女皇銀禧紀念盃。雖然唔算好耐，但以佢嘅坐騎嚟講，咁嘅表現都令到唔少馬迷失望，相信田泰安自己心入面都唔好受，今朝晨操見到佢都無咗平時嘅笑容。

而田泰安喺嚟緊星期六有9匹坐騎，當中喺第3場四班1000米策騎大衛希斯旗下「可靠大師」，呢匹3歲澳洲自購新馬仍前馬王「精英大師」同主馬，此駒試閘表現出色，外觀上亦不俗，有望幫田泰安破悶局。