僅有一匹坐騎　巫顯東全靠師傅支持

巫顯東近期坐騎數量較開季時多，特別同師傅沈集成自2025年開始破冰，繼2021年12月後兩人再次合作，更加憑「非凡達」、「荷花之星」取得兩場頭馬，加上有羅富全支持「天威」，巫顯東今季已經取得3W。

但巫顯東嚟緊星期六僅得1匹坐騎，就係沈集成旗下嘅「長勝金剛」，呢匹澳洲3歲自購馬來港前雖然僅得1勝，但7戰共得1冠4亞1季1殿，表現準繩，包括喺二級賽銀拖鞋大賽跑第4，來港後試閘表現不俗，值得留意。