冇潘頓冇何澤堯！安仔照吞40比零！

近排潘頓同何澤堯養傷，好多騎師都生晒，好似艾道拿同埋艾兆禮，頭馬就直線上升，不過唔係人人受惠，好似昔日三哥田泰安，近期狀態真係差到得人驚，好多實力馬都跑唔出水準，自從2月23日贏隻邊個騎都贏嘅「嘉應高昇」後，已經吞咗40比零，40場都未W過，真係幾大穫呀~如果遲啲潘頓養完傷出番來，安仔仲係交啲咁嘅成績，邊有掟企呀~

不過咁，今個周末，安仔坐騎好多都有贏面，如果可以威風一日連執幾W，勢頭又唔同晒，頭場「宏才」雖然過往以谷草表現較好，但落到依家五班，咩場地都冇所謂喇，前仗曾經入過Q，回一回氣小心了。第3場希廐「可靠大師」係馬主施雅治新貴，與「遙遙領先」同父，試閘幾次跑入前列，初出插四班都要重視。第4場「戀愛狂」，上次馬主賽前信心平平都照爆，質素響四班真係超，追寶尾都要喇。第6場「超旺財」，亦已經多次有追勢，今鋪抽個3檔起步，隨時贏番次。安仔今次牌面真係好有機會，各位信埋佢呢次，可能搭到順風車呀~