【投注見解】上仗高水準 開心追多次

游達榮旗下「開心五月」自去年10月出賽以來已經跑了7次，而最近演出一仗比一仗好，上賽角逐四班1400米在田泰安胯下初次躋身三甲，只以馬頸位不敵「幸運芙蓉」跑第2名，雖敗猶榮。此駒正常步速下跟前造1分21秒86，締速絕對不差，今番再爭同班同程值得跟進。

田泰安今場揀騎同場「超旺財」，「開心五月」則改配艾兆禮，前領型馬匹甚合這位意大利籍師發揮，再睇睇最近5匹游廐上名馬再出跑獲1冠1亞2季，加上強勁數據支持，一於贏位兼投。

■梓忠