睇到目不轉睛　仲唔係喜形於色？

靜了兩期的沈集成，明日沙田賽事旗下的4匹參戰馬近績不算突出，惟今早練者一樣做好本份，即使有4駒要過海試谷閘，但仍堅持一早到沙田馬場打點，並刻意安排4匹參戰馬提早在5時半進行加課，以便有充足時間睇曬才過海，諗得咁周到，擺明心中有馬。

課後，成哥更走到機坪閘口，先仄視由巫顯東在機坪親踱的的初出馬「長勝金剛」，繼而順序接埋「太行美景」、「喜蓮戰略」及「富喜來」，而練者對後駒尤其緊張，睇到目不轉睛，再從後伴隨返馬房，動態殊不簡單，今戰回師勝途草地1800米，改用霍宏聲隨時擦出火花都唔奇！