球星掛頭牌　一起美麗趕到尾班車跑打吡

香港打吡大賽2025於今個月23號上演，為隆重其事，馬會今日於跑馬地馬場舉行獲選參賽馬匹名單公布會，多位有份參與今屆打吡大賽的練馬師、馬主均有到場出席。至於14匹獲選參賽馬匹名單不算太令人意外，新勝香港經典盃兼現評100分的「球星」掛頭牌，亦係14匹參戰馬中唯一評分破百嘅賽駒，而香港經典一哩賽冠軍「祝願」以97分緊隨其後。

至於早前有5匹角逐香港經典盃的呂健威，則有「包裝福星」、「百賀飛駒」及「遙遙領先」入選打吡，蔡約翰就有「有目共賞」、「米奇」與及剛周三谷戰大炒對手，被狂加12分至77分嘅「一起美麗」，後駒亦是今屆打吡參戰馬評分最低馬匹，成功趕上尾班車。告東尼則有「桃花開」及「加州動員」兩駒入選。

其餘入選打選嘅賽駒包括伍鵬志嘅「玩笑」、葉楚航的「優才」、方嘉柏嘅「平凡騎士」及巫偉傑的「但求開心」。