【分秒在握】回完氣再納正軌

巫偉傑上季開倉，起初規模只是中小型倉口，但站穩陣腳後，旗下馬表現連貫，尤其係不少轉倉馬均取得好成績，因此支持漸多，現時已是接近70駒的大倉。巫偉傑的成功，其中一樣就係善於在谷草細場爭取好成績，現時巫廐32W當中，就有11W在谷草取得，而且對上4次谷戰悉數有馬贏，看來今次又係郁手時間。

列陣尾場的「納百川」，絕對係練者今季代表作之一，由黎廐來投後，大膽增程挑戰谷中一哩，並且立即贏來全無對手，之後轉戰田草1600米更順利取得連捷，雖然搶分失敗未能出爭打吡，但能夠在短短時間內取得好成績，已是眾口皆碑。此駒之前一輪回氣後，上仗在田草一哩又有走勢交出，若非直路取位不順，必然可以跑得更近，今次返一戰即輕勝的谷草一哩，回配周俊樂必然會用心演繹。

■長風