希斯解釋球星換人原因！霍宏聲保祝願帥權

上星期《東網》馬經同大家報道過，應屆香港經典盃盟主「球星」喺女皇盃將由布文策騎，當時希斯同講過「球星」同布文非常合拍，而練者今朝再同記者們透露換人原因，原來係因為艾道拿應承咗蔡約翰騎「安騁」，所以要換人。而「球星」雖然啱啱喺星期日跑第8，但因為呢匹4歲新貴末段交出22.38秒嘅成績，所以希斯話一啲都唔失望，仍然對愛駒充滿信心。

至於喺香港一哩錦標，縱使「祝願」喺香港打吡大賽惜敗，霍宏聲仍然獲得幕後信心，屆時人馬將再次合作，挑戰擂台𧄌「遨遊氣泡」，而艾兆禮則繼續為蔡廐「永遠美麗」效力。