三連勝迎牛一！周俊樂聽日有咩賀壽馬？

聽日(4月16日)就係周俊樂(Jerry)正日生日，話咁快Jerry已經25歲，雖然騎者之前碰上小低潮，不過最近已經迎來連贏3期，準備喺聽日谷戰爭勝，力求賀壽馬兼4連勝。周俊樂聽晚有5匹坐騎，當中不乏爭勝機會。

「謙謙君子」、「有鴻利」近戰都跑近，只要遇到啱嘅際遇，有權補中。「好節拍」上仗入Q，今次雖然檔位外移，但其他對手整體實力唔強，仍值得留意。

而最有機會當然係「納百川」，此駒轉投巫偉傑馬房後未甩過前4，之前為咗爭分跑打吡而轉跑田草，可惜最後功虧一簣。練者及後安排馬匹休息，今次抖足再出兼跑返谷草，絕對係爭勝嘅最好機會。