新馬識變身　David全程追蹤

游達榮(David)馬房列陣第4場三班1200米的「奇異歡星」，剛戰初出沙田千二跑第8名，只負於頭馬兩個多馬位，表現算係唔錯，復課後全力趕工夫例課無缺，試閘走勢搶眼，質新份子可謂進步良多，今仗原裝配搭轉場搏殺，阿田在同場贏過的「領航財子」也推庄，相信佢都計過度過。

今早練者亦流露出緊張動靜，「奇異歡星」在機坪熱身期間，David已駐足欄邊睇足全程，馬兒接着出內圈踱步後返倉，依然見佢形影不離，大有一觸即發之勢，值得加以注視，話唔定就係今鋪變身。