【子上談兵】兩個特別數據

跑馬好多時後都係講數據，但數據總有打破嘅一日，就好似今屆打吡盟主「百賀飛駒」，喺呢項4歲大賽自2000年增程至2000米之後，首次有處女馬勝出。然而，筆者最近搵到兩個有趣數據同大家分享，季初接近爆倉嘅黎昭昇，經歷開季低潮同埋散倉傳聞後，依家得番38隻馬，仲少過鄭俊偉馬房嘅40隻。而今季合作取得11冠嘅廖康銘同埋霍宏聲，原來對上一次合作贏馬，已經要數到1月31日嘅「祝願」同埋「駿跑得」，騎練之後合作43次僅取得10亞2季，當中有好幾次僅以短距離落敗，認真唔好彩。

周三谷戰，「綠色巨人」落班搵嚟布文幫手，試閘表現幾好，父母兩線都有長力根據，2200米絕對唔係問題，腳法上亦適合跑窄場，半冷可博。而「洛河」之前曾經喺田草入Q，該仗輸畀近期轉跑谷草兩連勝嘅「騰龍四海」，今次抽到1檔，有權偷襲。

心水推介

第2場 1綠色巨人

第7場 11洛河

獨贏位置過關二串一共4注

■阿子