【二重彩對對碰】好節拍賽績高水

明治朗：埋門試跑確認進步

沈集成在「浪漫勇士」中東之旅期間，兩度經歷低潮，一次7連敗，另一次直落9期食白果，如今遠征任務結束，重心可以放回香港戰線，相信攻勢會陸續有來。第7場「好節拍」在港只試兩課閘便安排上陣，頭兩回合欠表現可以理解，上仗突如其來殺入亞軍，頭馬「電源之駒」交出快時間掄元，高水場合入圍，實屬難得。同母馬「福星」開竅後扶搖直上，埋門見牠試跑亦愈操愈靚，確認進步。

梓忠：決一劍試閘重現朝氣

「決一劍」初出於谷草1200米上名，繼而即於同程打開勝門，蹄下敗將跑第3名的「北地烈馬」上周三順利奏凱。「決一劍」上賽轉爭田草1400米大敗收場，看來一時未能適應。此駒拚敗後未有急於復課，小休半個月再重新做工夫，3月7日及3月24日兩度於從化試草閘重現朝氣，跑來前快後勁，今番回師勝途谷草1200米，抽到4檔對這匹前置型賽駒相當有利，有望重振聲威。