【露露通】納百川重振雄風

潘頓4月6日騎黎廐「金風萬里」落敗，賽後畀小組查問時，黎昭昇喺賽後都表示覺得潘頓可以喺拉士200米騎得大力少少，此話一出當然引起唔少人關注。雖然潘頓剛周日贏番隻「渾身解數」補鑊，但兩人影頭馬相都企到離行離列，成為唔少馬迷飯後話題。黎昭昇現時仍未取得合格頭馬數字，達標話難唔難，但當然愈快愈好，今期兩人再有3駒合作，佢想潘頓加把勁都無可厚非。

第9場三班1650米，「納百川」自去年尾喺谷草贏馬升三班後即轉往沙田出賽，無他，此駒曾報名參戰4歲馬經典系列賽事，可惜未能趕得及進度無奈放棄。此駒即使現評70分，但近仗表現仍穩定，上兩仗因周俊樂停賽，兩仗皆用班德禮發揮亦無不妥，如今樂仔終可重新接手兼回師谷草對手較弱，鬥志必堅。