【投注見解】有少少實現夢想影子

66倍「實現夢想」一戰爆紅，回想牠前季3戰全勝，之後一直沉淪，直至剛戰爆大冷，這類冷W不易捕捉，但回報卻是高得誇張。

今次介紹的「安康萬里」同樣是首季便取得3捷，然而到了今季表現卻不進反退，9戰僅交出1季，評分已跌到比最近1場勝仗更低，看來是時候留意一下。

「安康萬里」上賽初次到跑馬地上陣，初跑谷草1200米卻排了一個不易克服的12檔。近況加谷草零經驗，本身已難有甚麼期望，實際又不算跑得太差，起步留到最後，入直路鞍上人多次搵位數度受阻，到有空位時只得幾十米衝，惟撲上來甚勁，試準捲土重來已可出冷。

■梓忠