留低睇樂觀派開操　希斯豎起拇指讚好

冠軍賽馬日將於今個月27號舉行，競逐3場國際一級賽嘅海外佳駟，已經陸續來港，率先殺到嘅澳洲代表「樂觀派」，今朝已經開操。呢匹國際評分高達120分嘅一哩好手，由希斯3位囝囝比安希斯、威希斯及詹希斯訓練，今次首度遠征香港，作為爸爸嘅希斯都好緊張，今朝當本地馬匹收操後，先至同太太走上烽火台二樓，睇實「樂觀派」開操情況，亦有同此駒策騎員有傾有講，而佢亦對在場傳媒豎起拇指，似乎相當滿意馬兒今課表現。

「樂觀派」係9項一級賽盟主，去年曾於覺士盾火併香港馬王「浪漫勇士」得第2名，上仗出戰全明星一哩賽亦得亞軍，今次首度來港出戰1600米G1冠軍一哩賽，將會於香港一哩王「遨遊氣泡」一決高下。