遠征杜拜表現失準　自由島今朝冇疲態

除咗澳洲代表「樂觀派」今朝開操外，兩匹於剛周一已抵達香港嘅日本代表「自由島」同埋「野田冰峰」，今朝亦有露面，此兩駒均於大圈操練。首次來港的「野田冰峰」，將出戰1200米G1主席短途獎，今朝即使嚟到陌生環境，亦未見太唔適應，於助手胯下順利完成踱步。

至於去年來港角逐香港盃不敵「浪漫勇士」嘅日本三冠馬后「自由島」，剛戰遠征杜拜出戰杜拜草地大賽卻演出失準，只得第8位，然後再來港備戰女皇盃。即使舟車勞頓，今朝見呢匹馬女並無疲態，走來非常急勁，狀態已一定水準。