【戰況R1】容天鵬：瑤瑤日上一啲都唔差！

今日頭場五班1000米，閘前僅有兩匹馬落飛，恰巧都跑入三甲。容天鵬馬房「瑤瑤日上」今仗起用巴度，臨場由13倍著綠燈落至6.3倍開跑，結果順利勝出，亦係呢對騎練今季合作首勝。此外，容天鵬季內累積14場頭馬，宣布頭馬數字達標合格！今場跑第2名為布文「快樂奇兵」，霍宏聲「天分高」落飛跑第3，第4名為潘頓「錶之多多」。

賽後，容天鵬表示一直相信「瑤瑤日上」唔係太差嘅賽駒，但脾氣有啲問題，花咗一段時間摸索，其實隻馬上場已經好番啲，即使畀對手碰撞都識放鬆，開始成熟。「瑤瑤日上」過往仍處學習期，所以用過唔同配備幫助隻馬，又戴過眼罩，但隻馬一戴眼罩就搶口，效果一般，經過一段時間摸索，發現隻馬都係唔使用配備係最好。

第1場賽果：10-7-11-9

二重彩賽果：10-7(最後賠率65)