【戰況R2】幫賀賢補中　安仔跑線建奇功！

頭場「快樂奇兵」搏殺失手的賀賢，第2場四班谷2200米，再有「管之友」出戰，呢匹7歲馬今場早段留前鬥後，到彎位前步速慢，田泰安索性外疊踩油發力，到直路初已緊貼前列馬鬥衝，結果最後50米加速力最強，力壓走最內欄慳晒位的「幸運同行」，事隔將近2年再開勝門。跑第3名係鬥到難分軒輊分享平頭季軍的「八駿笑昇」及「客家之光」。

贏到21W嘅賀賢，表示「管之友」近仗表現穩定，今日係值得贏呢場賽事，隻馬係典型長途馬，今日出閘比起過往已經尚好，自己一直都試唔同配備，等隻馬出閘再好少少，今日除咗開縫眼罩已經出得算OK，跑到中段跟對手發力上前佔優勢，結果末段交出衝刺贏番一場。

第2場賽果：10-11-(2-8平頭季軍)

二重彩賽果：10-11(最後賠率29)