【戰況R2】馬主親購入穿雲達月　沈集成都讚好嘢

第2場四班1000米直路賽水準唔高，幾匹質新馬繼上仗之後再次對壘，結果喺總場次582分別跑2、4、5名嘅馬匹包辦三甲，但先後次序唔同晒。「穿雲達月」喺梁家俊胯下臨場由8倍落到4.7倍勝出，潘頓大熱門「展雄威」跑第2，第3名為艾道拿「拉合爾」，周俊樂「團結勇士」跑第4。

賽後，馬主方力民表示上場沈集成都話「穿雲達月」狀態未夠，但跑得OK，跑完一場之後狀態提升，佢認為梁家俊發揮得相當好，而沈集成好有心機訓練「穿雲達月」，尋日專登帶匹馬出亮相圈熟習環境。「穿雲達月」由方先生購入，佢一直跟進外國操練狀況，而沈集成都覺得隻馬唔錯。

第2場賽果：7-1-6-9

二重彩賽果：7-1(最後賠率24)