【戰況R5】文家開期票：錶之星河三班無阻力

文家良馬房「錶之星河」上仗贏得好輕鬆，今仗再配潘頓，3歲馬孭住134磅難度唔細，但竟然被捧成1.3倍全熱門，位置更熱至1.0，結果輕鬆連捷，騎者是日已起孖。今場跑第2名為董明朗「幸運芙蓉」，賀銘年「美麗在線」跑第3，第4名為鍾易禮「加州陽光」。

賽後，文家良表示「錶之星河」排1檔對於發揮有好大幫助，馬匹今次直路仲有啲內閃，相信仲有好多上升空間，喺佢心目中，呢匹馬勝後升上三班應該無阻力。

第5場賽果：1-3-9-6

二重彩賽果：1-3(最後賠率6.6)