【戰況R4】方嘉柏師徒　近5期執到第4W喇~

第4場四班泥1650米，隔一周匆出的「手到齊來」，沿途採用亡命大逃跑法，帶甩群駒好遠，結果末段力弱只得第9，周俊樂咁騎馬都真係幾勇吓。直路後面一群鬥衝上來，其中方仔同黃智弘匹「飛騰騅」，守內欄好位直路中檔追上，主要對手「大利好運」則留極後捐內欄馬林，費事穿插上來輸少少畀前駒，至於跑第3、4名則為「天時明駒」及「年年友福」。

贏到40W嘅方嘉柏，表示今場賽前預料步速會快，著意黃智弘騎「飛騰騅」守4至5位，因馬匹之前用此走位取勝，而今場步速真係好快，結果黃智弘完美執行策騎指示，令馬匹衝刺得好，取得馬匹季內第2捷。7歲馬季內取兩捷，係馬房其中一匹忠實分子，十分滿意此駒今季表現，而黃智弘近期重拾信心，愈騎愈好，睇住佢慢慢進步亦為佢感到高興，呢對師徒則是近5日贏3日，共取4W，手風好順呀。

第4場賽果：5-11-7-9

二重彩賽果：5-11(最後賠率128)