【戰況R8】潘頓騎游廐馬落樓　今日Claim工傷！

潘頓於2月9日策騎游廐「銀亮奔騰」落樓，攪到左腳腳趾公骨裂，要抖一大輪先復出，到今日第8場三班田草1400米，游生終於有頭馬再畀潘頓喇，騎練合作大熱1.5倍「光年魅力」，雖然直路在內欄等咗一輪位，但最終都穿到上來，輕鬆擊敗亞軍掛頭牌的「至尊高超」及季軍外欄後上冷門30倍「自力更生」，睇番相潘頓臨尾係得閒到回頭笑瞇瞇望住「至尊高超」艾道拿，都真係幾寸噃(講笑)~

連勝3日贏到27W嘅遊達榮，表示「光年魅力」仲係一匹年輕賽駒，今仗雖然慢閘，不過此駒有好好嘅衝刺力，加上潘頓發揮得好好，最後贏馬。練者表示，會安排「光年魅力」跑月尾場二班1400米，之後就會唞暑。

第8場賽果：2-1-8-4

二重彩賽果：2-1(最後賠率4.5)