【混合過關】兆文：水晶酒杯贏谷閘試準晒

第7場「水晶酒杯」並非蔡約翰放棄，只因同主馬「純金酒杯」成績優異，「水晶酒杯」轉倉操足狀態不斷冒升，9月16日試谷閘勝出，同時試準場地，證明大隻一樣啱細場，今戰排2檔好跑可即響頭炮。「小刺蛋」轉戰同程效果出色，贏馬一仗克服外檔高難度，周日巫偉傑親自出跳，馬匹戴上眼罩聚精會神好吸引。「國士無雙」重返四班優勢大，上仗1000米路短亦上名，跑番1200米路合前列穩入。

第9場「太陽拍檔」搞好傷患並搵啱出路，上季尾谷草1200米兩捷姿態討好，當打惡馬升上三班不落下風，周一朝試跑火猛力勁，拉到董明朗手軟，弗到爆！「明心知遇」上仗起步受阻冇跑過，質素高過對手，縱使目前仍有肥態，憑住卡士也足以問鼎。「瑰麗人生」上季仍有不足，依然取得兩捷質素高，今季不斷轉好更學識放鬆，谷閘已仄準，另一爭勝要角。