博士回歸《愛．回家》：既熟悉又陌生

無綫藝人馬貫東在處境劇《愛．回家之開心速遞》中的角色秦博思（博士）相當入屋，不過去年他離開劇組，轉拍其他劇集，不少劇集粉絲都表示相當掛住博士，最近他於過年期間回歸《愛》劇，該集日前播出，博士由英國回來，但性格大變，令熊家上下包括劉丹、單立文、呂慧儀等都相當好奇。

馬貫東只回歸演出短短一集，Fans都表示唔夠喉，他表示感覺溫暖又複雜：「返愛回家拍一集，個感覺完全係好似返屋企探家人咁，始終我哋日對夜對咗年幾兩年嘅時間，都會產生一種家庭嘅感覺，今次返去既熟悉又陌生，熊家人一如嘅往熱鬧溫暖，只係博士性格改變咗少少，畀咗觀眾一個唔同嘅博士，希望大家都喜歡，同時多謝觀眾仍然支持博士，希望嚟緊都會可以返多啲屋企同大家見面。」