东网电视
更多新闻短片
武藤十梦身材纤巧肌肤白滑，同时亦不失曲线美。（互联网）
日本艺能界有好多大型美少女团体，当中嘅成员成日都换来换去，被换走嘅原因，可能同实力欠佳有关，至于能够留低，并且活跃多年就一定系实力与美貌兼备，好似刚刚从AKB48毕业嘅武藤十梦咁，就效力咗团体12个年头喇！
秀色可餐
刚才提到AKB48，团体当中有好多出色且歌演皆精嘅美少女成员，就算佢哋毕业之后作单飞演出，一样可以发光发热，就好似转投写真界嘅永尾玛莉亚、平田梨奈同大和田南那咁，至于武藤十梦亦刚刚从团体毕业后，活跃度仲愈来愈高！
虽然佢今年已经28岁，但系面上嘅可爱气息却丝毫未减，加上五官标致，气质清丽，确系秀色可餐。而且身材纤巧，弗得嚟上围都唔细，件泳衣窄少少亦营造丰满美感，加埋鲜嫩雪白嘅肌肤，呢副胴体绝对唔会比上述嘅AKB48成员差！
气质清丽可人，相头够晒吸引。（互联网）
虽然佢今年已经28岁，但仍散发出可爱气息。（互联网）
才艺出众
藤十梦嘅父亲系曾经喺80年代活跃过嘅演员武藤大助，喺父亲嘅影响之下，令佢亦好想投身演艺界，后来喺2011年成功投考加入AKB48呢个大型团体当中，并以成员身份发展到今年3月，正式从团体中毕业转作单飞发展。
好多女团成员单飞之后搵唔到食，但系十梦就绝对唔会，因为佢拥有好多专业资格，例如气象预报士、财务规划师以及防灾专家认证，所以传媒经常都形容佢多才多艺。另外，十梦拍写真一样掂，早前推出嘅首本个人写真集《とむもよう》就顺利夺得写真销量榜冠军喇！至于佢参演嘅电影《断舍离天堂》亦好快上映，睇嚟十梦唔做ABK48成员亦一样大把路数喎！
早前佢推出嘅首本个人写真集，夺得写真销量榜冠军。（互联网）
佢多才多艺，拥有好多专业资格。（互联网）
武藤十梦参与好多综艺节目演出，从其社交网就可以留意到相关消息，亦可以留意到十梦嘅写真工作资讯。
Profile
年龄：28岁
身高：5呎2吋
三围：33D-23-34
