东网电视
更多新闻短片
无綫歌唱真人骚《中年好声音2》举行得如火如荼，虽然尹新杰最终喺24强止步，不过相信对尹新杰而言获益良多，话晒尹新杰喺节中搵到另一半外，仲喺除夕夜当日喺香港注册，正式迈入人生新阶段。
尹新杰同选手感情不错。
尹新杰同一众选手出席活动。
日前（1日），尹新杰喺社交网宣布同女友正式拉埋天窗，虽然佢早于12月中就宣布求婚成功，不过就未有公开未婚妻真身，估唔到对方竟然系《中年好声音2》108强嘅参赛者之一李宝雯，而尹新杰结婚当日，《中年好声音2》嘅参赛者梁浩贤、王玥、丁晓及张诺婷等人亦有份出席见证，导师彭家丽、何博文及支喾仪等人亦有留言祝贺。
恭喜晒！
梁浩贤、王玥、丁晓及张诺婷等人亦有份出席见证。
而现年40岁嘅李宝雯系108位入围者之一，当日选唱《女人心》，并曾分享：“我嘅性格系比较内敛，可以话系少少社恐，所以我今次参加系好大，除咗对唱歌嘅挑战，同埋讲嘢都系最大嘅挑战地方。”未料如今2人双双淘汰，却结为夫妇，认真有缘分。
尹新杰老婆李宝雯。
闪到爆。
