东网电视
更多新闻短片
台湾女星林志玲同日籍老公AKIRA喺2019年结婚，育有1子嘅佢哋生活幸福美满，而日前适逢元宵佳节，林志玲亦喺社交网晒出食汤圆嘅应节相，祝福粉丝节日快乐，不过其光滑紧致嘅冻龄靓样，震惊唔少网友。
样靓身材正。
林志玲喺社交网写道：“元宵元宵，祸患全消；日圆月圆，圆圆满满；官源财源，源源不断；人缘福缘，缘缘美满；心愿情愿，愿愿成真，元宵节快乐！”而相中身穿粉色冷衫嘅佢，一头乌黑秀发随意飘逸外，光滑紧致嘅肌肤更系一啲都睇唔出佢已为人母兼年近半百，少女味浓嘅捥相亦引嚟唔少网友激赞：“最美丽的志玲姐姐！”、“姐姐好美呀！”、“仙女下凡啦！”虽然林志玲靓样仍在，可惜喺2023年6月受访时，就透露自己唔会复出参加演艺工作。
真系冻龄有道。
