东网电视
更多新闻短片
型男吴彦祖近年转战美国发展嘅佢，仍不时透过社交网同粉丝分享生活点滴，而早前难得抽出空档返嚟嘅佢，同时亦接受内地访问分享演艺生涯及近况外，更毫不避讳批评现今年轻演员太注重外形之馀，又成日用社交网营销自己，令佢忍唔住直言：“外在不是演员值得骄傲的资本！”
虽然转战美国发展，但仍不时留意内地电影动向。
喺美国出生长大嘅吴彦祖，1997年喺《美少年之恋》中以靓仔外形打入屋，之后凭精湛演技逐步成为香港电影界一线男星，不过接受访问时吴彦祖就表示外貌只系一张“入场券”，即使有“入场券”成功入门，但对于继续喺圈中发展落去，其实毫无帮助，并认为演员应该搵到自己嘅特质，以角色打动观众。虽然当年吴彦祖的确凭靓仔外形惊艳各界，但出道多年人气仍高踞不下嘅主要原因，相信都系佢乐于挑战不同角色、不断突破自己，以及对演艺嘅热情。
认为演技重要过外表。
而转眼已入行27年嘅佢，亦大方分享道演员唔应该太注重外在或经营打造人设：“难道做演员这个身份还不能够满足你吗？角色才会给你带来最大的话题量呀，做网红并不会让你的演技精进的。”并认为想要喺演艺圈长远发展，就要保持足够嘅清醒，无论系想做演员定明星。
不过吴彦祖真系由细到大都咁靓仔。
