迪馬利亞重返賓菲加　獲英雄式歡迎

最強博彩盤路過關神器《串績王》：http://win.on.cc/football/　

賓菲加日前正式官宣，「天使」迪馬利亞回巢，並在主席雷哥斯達陪同下，破例舉行歡迎儀式，數千名球迷到主場外聚集慶祝，歡迎迪馬利亞回家。

35歲嘅迪馬利亞於2007至10年效力賓菲加，亦係佢進軍歐洲嘅起點，之後踢過皇馬、曼聯、巴黎聖日耳門，上季在祖雲達斯1季後離隊，最終決定回到起點，重投賓菲加。

「天使」係賓菲加功勳球員，而今次更以世界盃冠軍身份重返母會，歡迎儀式上有超過2500名球迷到場，迪馬利亞表示：「多謝大家，我知道呢種禮遇喺賓菲加並唔常見，我回家了，感覺無與倫比。之前我收到好多地方嘅邀請，結果我決定回家，呢個係我內心做嘅決定。」迪馬利亞喺賓菲加年薪為500萬歐元，另有一筆400萬歐元簽字費。